خیبر پختون خوا میں کرونا وبا کے دوران ایک دن میں سب سے زیادہ اموات – #urduheadline

-

پشاور: خیبر پختون خوا میں کرونا وائرس کے وار جاری ہیں، گزشتہ 24 گھنٹوں میں صوبے میں کرونا وائرس سے 35 افراد انتقال کرگئے۔

محکمہ صحت کے پی نے کہا ہے کہ کرونا انفیکشن سے صوبے میں پینتیس افراد جاں بحق ہو گئے ہیں، جب کہ گزشتہ چوبیس گھنٹوں کے دوران وائرس سے مزید 1 ہزار 7 افراد متاثر ہوئے۔

محکمہ صحت کے مطابق خیبر پختون خوا میں کرونا وائرس کی صورت حال بگڑتی جا رہی ہے، کرونا وبا کے دوران پہلی بار صوبے میں ایک دن میں وائرس سے اتنی بڑی تعداد میں اموات واقع ہوئی ہیں۔

صوبائی محکمہ صحت کا کہنا ہے کہ ایک دن میں صرف پشاور شہر میں وائرس سے 22 افراد جاں بحق ہوئے، صوبے میں کرونا سے جاں بحق افراد کی مجموعی تعداد بڑھ کر 2417 ہوگئی ہے۔

پنجاب میں کرونا سے اموات کا سلسلہ جاری، ایک دن میں 58 ہلاکتیں

واضح رہے کہ خیبر پختون خوا میں پہلی بار ایک دن میں اتنی تعداد میں اموات ریکارڈ ہوئی ہیں، پہلی اور دوسری لہر کے دوران صوبے میں کرونا سے اموات کی روزانہ تعداد 30 سے زیادہ نہیں بڑھی۔

محکمہ صحت کے پی سے جاری رپورٹ میں کہا گیا ہے کہ صوبے میں کرونا کیسز کی مجموعی تعداد 90 ہزار 262 ہوگئی ہے، جب کہ 24 گھنٹوں کے دوران کرونا کے 484 مریض صحت یاب ہوئے، جس کے بعد صحت یاب افراد کی تعداد 77 ہزار 650 ہوگئی ہے۔

محکمہ صحت کے مطابق پشاور میں 24 گھنٹوں کے دوران کرونا کے 244 نئے کیسز رپورٹ ہوئے، جس کے بعد شہر میں کیسز کی مجموعی تعداد 36 ہزار 959 ہوگئی ہے، جب کہ پشاور میں وائرس سے اب تک 1294 افراد جاں بحق ہو چکے ہیں۔

رپورٹ میں کہا گیا ہے کہ صوبے میں ایک دن میں 8 ہزار 239 نئے ٹسٹ کیے گئے، اور اب تک کل 13 لاکھ 72 ہزار 319 ٹسٹ کیے جا چکے ہیں۔

Comments

-


#urduheadline



.

-

اپنا تبصرہ بھیجیں