نادرا نے خواجہ سراؤں کی رجسٹریشن مہم کا آغاز کر دیا

نادرا نے خواجہ سراؤں کی رجسٹریشن مہم کا آغاز کر دیا

انسانی حقوق کےعالمی دن کےموقع پر نادرا نےخواجہ سراوں کے لئے رجسٹریشن مہم کا آغاز کر دیا، یہ مہم ’’جو ہرانسان کے حقوق، وہی ہرخواجہ سراکےحقوق” کے مرکزی پیغام کے ساتھ شروع کی گئی ہے۔

 معاشرے کے اس محروم طبقے کو شناخت کے ذریعے بااختیار بنانے میں مدد دینے کے لئے متعدد خصوصی اقدامات بھی کئے گئے ہیں۔

رجسٹریشن اور آگاہی کی اس مہم کے سلسلے میں 13 دسمبر کو نادرا کے فیلڈ افسران اور دیگر عملہ کے لئے ایک خصوصی تربیت کا انعقاد بھی کیا جائے گا۔

اس تربیت کامقصد ان حساس پہلوؤں اورخدشات کو دور کرنا ہے جن کی وجہ سے ہمارے معاشرے میں خواجہ سرا شناخت جیسے بنیادی انسانی حق سے محروم رہ جاتے ہیں۔

نادرا نے اب تک ایسے 5626 خواجہ سراء افراد کی رجسٹریشن مکمل کر لی ہے جنہوں نے صنف کے طور پر اپنے آپ کو مرد یا عورت ظاہر نہیں کیا، نادرا خواجہ سرا افراد میں آگاہی پیدا کرنے کے لئے بھی کام کر رہا ہے۔

آپ کا ردعمل کیا ہے؟

like
0
dislike
0
love
0
funny
0
angry
0
sad
0
wow
0