میراڈونا کی گھڑی چوری کرنے والا شخص بھارت میں گرفتار

میراڈونا کی گھڑی چوری کرنے والا شخص بھارت میں گرفتار

لیجنڈری آنجہانی فٹبالر ڈیاگو میراڈونا کی گھڑی چوری کرنے والے شخص کو بھارت میں گرفتار کرلیا گیا ہے۔

بھارتی ریاست آسام کے  وزیر اعلیٰ ہمنتا بسوا سرما نے بتایا  ہے کہ پولیس نے ایک شخص کو گرفتار کرکے ارجنٹینا کے اسٹار فٹبالر ڈیاگو میراڈونا کی چوری شدہ ہبلوٹ گھڑی برآمد کرلی ہے۔

وزیر اعلیٰ نے مزید کہا کہ ملزم  کی شناخت واجد حسین کے نام سے ہوئی ہے جسے گرفتار کر کے اس کے خلاف قانونی کارروائی شروع کر دی گئی ہے۔

ہمنتا بسوا سرما نے کہا کہ یہ بین الاقوامی تعاون کی ایک کارروائی تھی  جو آسام پولیس نے بھارتی وفاقی قانون نافذ کرنے والے ادارے   کے ذریعے دبئی پولیس کے تعاون سے انجام دی ہے۔

میراڈونا  کی دستخط شدہ سنگل ایڈیشن  کی ہبلوٹ گھڑی ملزم نے مبینہ طور پر  اس وقت چوری کی تھی جب وہ  دبئی کی ایک کمپنی میں سیکیورٹی گارڈ کے طور پر کام کر رہا تھا جو وہاں میرا ڈونا کا سامان محفوظ کر رہی تھی۔

پولیس کے مطابق  سنگل ایڈیشن گھڑی کی مالیت تقریباً 26 ہزار ڈالر سے زائد ہے  جس کی پشت پر میراڈونا کی تصویر بنی ہے اور ان کی جرسی کے نمبر 10 کے دستخط بھی ہیں۔

دبئی حکام سے موصول ہونے والی معلومات کے حوالے سے  سپریٹنڈنٹ پولیس نے بتایا کہ اگرچہ بہت سی محدود ایڈیشن  کی گھڑیاں دستیاب ہیں، لیکن اس گھڑی کو خاص میراڈونا کے لیے ان کی مرضی کے مطابق بنایا گیا تھا۔

آپ کا ردعمل کیا ہے؟

like
0
dislike
0
love
0
funny
0
angry
0
sad
0
wow
0