ملائیشیا نے بھارت سے کرونا وائرس منتقلی کی تصدیق کر دی – #urduheadline

7


کوالالمپور: ملائیشیا نے بھی بھارت سے کرونا وائرس کی منتقلی کی تصدیق کر دی ہے۔

تفصیلات کے مطابق ملائیشیا کے حکام نے کہا ہے کہ بھارت سے کرونا وائرس کی بھارتی قسم ان کے ملک میں بھی منتقل ہو گئی ہے، کوالالمپور ایئر پورٹ پر ایک بھارتی شہری کی اسکریننگ میں پتا چلا کہ ان میں انڈین ویریئنٹ موجود ہے۔

تاہم ملائیشیا کے حکام نے یہ نہیں بتایا ہے کہ مذکورہ واقعہ کس دن کا ہے، تاہم انھوں نے تصدیق کر دی ہے کہ کرونا وائرس کی بھارتی قسم ملائیشیا پہنچ چکی ہے۔

اتوار کو وزیر صحت آدھم بابا نے کہا کہ ملائیشیا میں انتہائی متعدی بھارتی کرونا وائرس کا پہلا کیس سامنے آیا ہے، انڈین ویریئنٹ (B.1.617) کوالالمپور انٹرنیشنل ایئرپورٹ پر اسکریننگ کے وقت سامنے آیا۔

یاد رہے کہ ایک ہفتہ قبل ملائیشیا نے بھارت سے آنے اور جانے والی پروازوں پر پابندی عائد کر دی تھی، دو طرفہ فضائی آپریشن بھارت میں سامنے آنے والی کرونا کی نئی قسم کے ملک میں داخلے کو روکنے کے لیے معطل کیا گیا تھا۔

وزیر دفاع اسماعیل صابری یعقوب نے ایک بیان میں کہا تھا کہ یہ فیصلہ ڈبل میوٹنٹ قسم کے وائرس کے پیش نظر کیا گیا ہے، ملائیشیا میں کام کرنے والے اقامہ ہولڈر بھارتی شہریوں پر بھی اس پابندی کا اطلاق ہوگا، نیز بھارت سے کارگو فلائٹس کو بھی روک دیا گیا ہے۔

Comments


#urduheadline



.

Leave A Reply

Your email address will not be published.