‘ماسک کے بغیر نظر آنے والوں کو دو ڈنڈے مارے جائیں’ #urduheadline

5


اسلام آباد :کورونا ٹاسک فورس کے سربراہ ڈاکٹر عطاالرحمان کا کہنا ہے کہ کورونا کی صورتحال تیزی سے بگڑ رہی ہے، حکومت کو چاہیئے کہ پولیس کو چھڑیاں پکڑا دیں اور جو ماسک کے بغیر نظر آئے اسے دو ڈنڈے لگائیں۔

تفصیلات کے مطابق کورونا ٹاسک فورس کے سربراہ ڈاکٹر عطا الرحمان نے اے آر وائی نیوز کے پروگرام باخبر سویرا میں گفتگو  کرتے ہوئے کہا کہ کورونا کی تیسری لہر انتہائی خطرناک ہے، صورتحال تیزی سے بگڑ رہی ہےاور اسپتال بھرتے جا رہے ہیں۔

ڈاکٹر عطاالرحمان کا کہنا تھا کہ نیا وائرس تیزی سے پھیل رہا اور تیزی سے اثر انداز ہورہا ہے، اس صورتحال میں شہریوں کو احتیاط اور ایس اوپیز پر سختی سے عملدرآمد کی ضرورت ہے۔

کرونا ٹاسک فورس کے سربراہ نے مزید کہا حکومت کو چاہیئے کہ پولیس کو چھڑیاں پکڑا دیں، جو ماسک کے بغیر نظر آئے اسے دو ڈنڈے لگائیں۔

انھوں نے خبردار کیا کہ عوام کورونا صورتحال کوعام نہ سمجھیں اور سختی سے ہدایات پرعمل کریں۔

خیال رہے ملک میں کورونا کی تیسری لہر کے وار تیزی سے جاری ہے ، ملک میں کورونا مثبت آنے کی شرح 11.2 فیصد تک پہنچ گئی ہے۔

این سی او سی کے مطابق خیبر پختونخوااورپنجاب میں کورونا کا پھیلاؤ تشویش ناک ہونے لگا ہے، 24 گھنٹوں میں مزید چار ہزار پانچ سو پچیس کیسز رپورٹ اور اکتالیس مریضوں کا انتقال ہوا۔

Comments


#urduheadline



.

Leave A Reply

Your email address will not be published.