فواد عالم کی اور سنچری، منفرد ریکارڈ بنا ڈالا – #urduheadline

5


قومی ٹیم کے بیٹسمین فواد عالم نے منفرد ریکارڈ بنا ڈالا، وہ ٹیسٹ کیریئر میں ابتدائی 4 نصف ‏سنچریوں کو سنچریوں میں بدلنے والے بیٹسمین بن گئے۔

ہرارے ٹیسٹ میں فواد عالم نے زمبابوے کے خلاف سنچری اسکور کی جو ان کے کیریئر کی چوتھی ‏سنچری تھی۔ وہ 103 رنز کے ساتھ ناٹ آؤٹ رہے۔

اس سنچری کے ساتھ انہوں نے کئی ریکارڈز بھی اپنے نام کر لیے ہیں۔ 55 سالوں میں فواد عالم وہ ‏واحد بلے باز ہیں جنہوں نے ٹیسٹ کیریئر کی ابتدائی 4 ففٹیز کو سنچریوں میں بدل دیا۔

بائیں ہاتھ کے بیٹسمین نے 10 میچوں میں مجموعی طور پر 4 سنچریاں اسکور کی ہیں اور ہر نصف ‏سنچری کو انہوں نے سنچری میں بدل دیا۔

فواد عالم نے رواں سال میں دوسری سنچری بنائی ہے جب کہ گزشتہ 5 ٹیسٹ میچوں میں انہوں نے ‏‏3 بار 100 کا ہندسہ عبور کیا ہے۔

Comments


#urduheadline



.

Leave A Reply

Your email address will not be published.