شبلی فراز الیکٹرانک ووٹنگ کے لیے سرگرم، اہم ہدایت جاری کردی – #urduheadline

8


ہری پور: وفاق وزیر برائے سائنس اینڈ ٹیکنالوجی شبلی فراز نےکہا ہے کہ الیکٹرانک ووٹنگ مشینوں کی تیاری میں شفافیت کو یقینی بنایا جائے۔

اے آر وائی نیوز کی رپورٹ کے مطابق وزیرسائنس اور ٹیکنالوجی شبلی فراز نے نیشنل ریڈیو اینڈ ٹیلی کمیونیکیشن کارپوریشن (این آرٹی سی) ہری پورکا دورہ کیا۔ یونیورسٹی حکام نے شبلی فرازکو ادارےکی  ریسرچ، تیار کردہ سامان سے متعلق تفصیلی بریفنگ دی۔

حکام نے شبلی فراز کو بتایا کہ ’ الیکٹرانک ووٹنگ مشین کے دو پرو ٹو ٹائپ تیار کئے جاچکے ہیں، جنہیں جلد وزیراعظم کے سامنے معائنے کے لیے پیش کیا جائے گا‘۔

اس موقع پر شبلی فراز کا کہنا تھا کہ ’ملک میں جمہوریت کی مضبوطی کے لیے انتخابات کا شفاف ہونا اہم ہے،وزارت سائنس انتخابات میں ٹیکنالوجی کے استعمال کیلئے عمل پیرا ہے‘۔

مزید پڑھیں: وزیر اعظم کے سامنے پاکستان میں تیار کردہ الیکٹرانک ووٹنگ مشین کا عملی مظاہرہ

یہ بھی پڑھیں: پاکستان نے الیکٹرانک ووٹنگ مشین تیار کر لی

اُن کا کہنا تھا کہ ’الیکٹرانک ووٹنگ مشینوں کی تیاری میں شفافیت کویقینی بنایاجائے،ووٹ چوری نہ ہونےکی یقین دہانی ہی اس نظام کی کامیابی کا راز ہے‘۔

یونیورسٹی حکام نے وفاقی وزیر کو آگاہ کیا کہ ’ادارہ عالمی معیار کے وینٹی لیٹرز تیار کرنے کی مکمل صلاحیت حاصل کرچکا، کرونا وبا کے دوران 109 خراب وینٹی لیٹرز کو قابلِ استعمال بنایا گیا ہے‘۔

Comments


#urduheadline



.

Leave A Reply

Your email address will not be published.