حیرت انگیز : زلزلوں کا پتہ دینے والی16 فٹ لمبی مچھلی پکڑی گئی، ویڈیو دیکھیں

سونامی اور زلزلوں کے لیے "بد شگون" قرار

حیرت انگیز : زلزلوں کا پتہ دینے والی16 فٹ لمبی مچھلی پکڑی گئی، ویڈیو دیکھیں
مچھلی

آریکا : چلی میں ماہی گیروں نے ایک ناقابل یقین کارنامہ انجام دیا ہے، انہوں نے 16فٹ لمبی اور نایاب مچھلی کو پکڑلیا اس مخلوق کا تعلق مبینہ طور پر سمندروں میں آنے والے زلزلوں سے ہے۔

مچھلی کو پکڑے جانے بعد کرین سے اٹھانے کی ویڈیو نے سوشل میڈیا پر تہلکہ مچا دیا، اسے سب سے پہلے ٹک ٹاک پر پوسٹ کیا گیا جہاں اسے تقریباً 10 ملین ویوز ملے۔

اس حیرت انگیز ویڈیو نے صارفین کو تشویش میں مبتلا کردیا کیونکہ اس مخلوق کو روایتی طور پر سونامیوں اور زلزلوں کے لیے برا شگون سمجھا جاتا ہے۔ مقامی لوگ بھی اسے سونامی اور زلزلوں کے لیے "بد شگون” قرار دے رہے ہیں۔

ویڈیو میں دکھایا گیا ہے کہ16فٹ لمبی مچھلی کے سر کو رسیوں سے باندھ کر سمندر سے نکالا جارہا ہے، جبکہ کارکن اسے زمین پر منتقل مچھلی کی شناخت "اورفش” کے نام سے ہوئی ہے۔

ویڈیو کی پوسٹ پر اپنے خیالات کا اظہار کرتے ہوئے ایک صارف نے لکھا کہ یہ ایک خوفناک حیرت انگیز مچھلی ہے جبکہ ایک اور صارف کا کہنا تھا کہ اورفش گہرائی میں رہتی ہے جب یہ مچھلیاں سطح پر آنا شروع ہوتی ہیں تو اس کی وجہ ٹیکٹونک پلیٹیں حرکت میں ہوتی ہیں۔

دریں اثناء اس سے قبل اسی نسل کی ایک مچھلی کو پکڑا گیا تھا، رواں سال اپریل میں نیوزی لینڈ کے ایک ساحل پر ایک اورفش ملی تھی جہاں اسے مقامی ساحل پر موجود لوگوں نے دیکھا تھا۔

آپ کا ردعمل کیا ہے؟

like
0
dislike
0
love
0
funny
0
angry
0
sad
0
wow
0