ایس او پیز کی خلاف ورزی پر شاپنگ مالز کیخلاف بڑی کارروائی کا فیصلہ #urduheadline

8


ریاض : سعودی وزارت تجارت نے کرونا احتیاطی تدابیر پر عمل نہ کرنے پر شاپنگ مالز کے خلاف کارروائی کا عندیہ دے دیا۔

غیر ملکی خبر رساں ادارے کی رپورٹ کے مطابق سعودی حکام کی جانب سے ریاست بھر میں کرونا قوانین نافذ العمل ہیں جس کے تحت تجارتی مراکز و دیگر جگہوں پر سماجی دوری برقرار رکھنا اور ماسک پہننا لازمی ہے اور تجارتی مراکز میں خاص تعداد میں صارفین کو بلانے کی اجازت ہے۔

سعودی وزارت تجارت نے کہا ہے کہ شاپنگ مالز کی انتظامیہ کرونا ایس او پیز کی خلاف ورزی کرتے ہوئے مقررہ تعداد زیادہ افراد کو مالز میں آنے کی اجازت دے رہی ہیں جس کی وجہ سے سماجی فاصلے کے اصول پر عمل کرنا ناممکن ہے۔

اگر مالز نے احتیاطی تدابیر پر عمل نہ کیا تو مالز کے خلاف سخت کارروائی عمل لائی جائے گی۔

واضح رہے کہ وزارت نے تجارتی مالز اور شاپنگ سینٹرز کی گنجائش کو دیکھتے ہوئے وہاں صارفین کی تعداد مقرر کر رکھی ہے جس سے زیادہ افراد کو اندر جانے کی اجازت نہیں ہوتی۔

Comments


#urduheadline



.

Leave A Reply

Your email address will not be published.