انگلینڈ کے تاریخی دورہ پاکستان کے شیڈول کا اعلان کردیا گیا

انگلش ٹیم اپنے دورہ پاکستان میں سات ٹی ٹوئنٹی میچز کھیلے گی

انگلینڈ کے تاریخی دورہ پاکستان کے شیڈول کا اعلان کردیا گیا

لاہور: شائقین کرکٹ کے لئے بڑی خبر ہے کہ پاکستان سترہ سال بعد انگلینڈ کرکٹ ٹیم کی میزبانی کرنے جارہا ہے۔

تفصیلات کے مطابق پاکستان کرکٹ بورڈ (پی سی بی) کی جانب سے ٹوئٹ میں انگلینڈ کے تاریخی دورہ پاکستان کا شیڈول جاری کردیا گیا ہے۔

انگلش ٹیم اپنے دورہ پاکستان میں سات ٹی ٹوئنٹی میچز کھیلے گی، مہمان ٹیم یہ میچز بیس ستمبر سے دو اکتوبر کے درمیان کھیلے گی۔

کراچی کا نیشنل اسٹیڈیم چار ٹی ٹوئنٹی میچز کی میزبانی کرے گا، پہلا میچ بیس ستمبر کو کھیلا جائے گا، دوسرا بائیس، تیسرا تئیس اور چوتھا ٹی ٹوئنٹی میچ پچیس سمتبر کو کھیلا جائے گا۔

کراچی کے مطابق انگلش ٹیم لاہور کا رخ کرے گی، جہاں وہ قذافی اسٹیڈیم میں ستمبر کی اٹھائیس اور تیس تاریخ کو پاکستان کے مدمقابل ہوگی۔

دونوں ٹیموں کے درمیان تیسرا اور آخری ٹی ٹوئنٹی میچ دو اکتوبر کو کھیلا جائے گا۔

یاد رہے کہ گذشتہ سال دورہ پاکستان کی تلافی پر انگلینڈ نے سال دو ہزار بائیس میں پاکستان کے ساتھ ہوم سیریز کے دوران دو اضافی ٹی ٹوئنٹی سیریز کھیلنے کا اعلان کیا تھا۔

یہ اعلان اس تناظر میں کیا گیا جب دورہ پاکستان پر موجود نیوزی لینڈ نے میچ سے قبل پاکستان کا دورہ ختم کرنے کا اعلان کیا۔

نیوزی لینڈ بورڈ کے اعلان کے بعد انگلش کرکٹ بورڈ نے بھی دورہ پاکستان کے لئے ٹیم کو بھیجنے سے معذرت کرلی تھی، جس پر پاکستان نے سخت ردعمل کا اظہار کیا تھا۔

آپ کا ردعمل کیا ہے؟

like
0
dislike
0
love
0
funny
0
angry
0
sad
0
wow
0