آئی فون استعمال کرنے والوں کے لیے ایک اہم خبر

آئی فون استعمال کرنے والوں کے لیے ایک اہم خبر

ایپل صارفین کے لیے ایک بری خبر یہ ہے کہ ایپل نے کئی عشروں میں پہلی مرتبہ  بلند پیداواری سیزن میں بھی آئی فون اور دیگرمصنوعات کے نئے ماڈلوں کی پیداوار اور تیاری کو کئی روز تک بند رکھا۔ اس کی مرکزی وجہ پرزوں کی عدم دستیابی کو کہا جارہا ہے لیکن دیگر وجوہ بھی شامل ہیں۔

جاپان کے نکائی ایشیا اخبار نے سب سے پہلے اس کی خبر دیتے ہوئے اسے ’کرسمس اور چھٹیوں سے قبل ایک بھیانک‘ خواب کہا ہے کیونکہ عین کاروباری وقت پر ایپل کمپنی اپنی مصنوعات کے پیداوری اہداف حاصل نہیں کرسکے گی۔

مثلاً ستمبر اور اکتوبر میں پیداوار بند ہونے سے آئی فون 13 کی پیداوار 20 فیصد گری۔ پھر پیداواری ہدف جو اصل میں ساڑھے نوکروڑ یونٹ ( فون) تھا اسے گھٹا کر ساڑھے آٹھ کروڑ تک کیا گیا۔

لیکن خیال رہے کہ ایپل نے پرانے ماڈل کی تیاری جاری رکھی ہوئی ہے مثلاً آئی فون12 وغیرہ اور ان کی پیداوار میں بھی 25 فیصد کمی متوقع ہے۔ ایپل اس سال 23 کروڑ فون فروخت کرنے کا ہدف رکھتا تھا جس میں مجموعی طور پر ڈیڑھ کروڑ کی کمی ہوئی ہے یا ہوسکتی ہے۔

اس پورے معاملے میں اہم خبریہ ہے کہ ایپل نے گزشتہ کئی عشروں میں اپنے کارخانے کبھی بند نہیں کئے لیکن اکتوبر اور نومبر میں پہلی مرتبہ پرزوں کی کمی اور دیگر وجوہ سے آئی فون کی پیداوار بند رہی۔ ان میں دوسرا اہم عنصر امریکی چینی تجارتی تنازعے اور پابندیاں بھی شامل ہیں۔

دوسری جانب سپلائی چین سے وابستہ کمپنیوں نے کہا ہے کہ وہ دن رات اہداف پورا کرنے کی کوشش کرتی ہیں لیکن اب یہ حال ہے کہ فاضل پرزے اور سہولیات میں رکاوٹ سے کام روکا گیا ہے۔

آپ کا ردعمل کیا ہے؟

like
0
dislike
0
love
0
funny
0
angry
0
sad
0
wow
0